【マリ語記事】マリ・エル共和国に「スイス」？

«Марий Швейцарий» унала вуча

 

 

2021年12月15日付 Ямде лий

 

 

Швейцарийын мотор пӱртӱсшым кӧ огеш пале? Мыняр еҥын тушко каяш чонжо йӱла?! Но кажнын миен толаш йӧнжӧ уке. Ида тургыжлане, Кужэҥер район Визым ялыште «Марий Швейцарий» каныме базе уло. Курыкан вер тиде элым ушештара. Тушто мотор пӱртӱсым эскераш, каналташ лиеш. Арамлан огыл каныме верыш тӱрлӧ эл да тӱрлӧ ола гыч уна-влак толыт. Ик ийыште – кок тӱжем утла. Вер чылалан сита.

 

スイスの美しい自然を知らない人がいるでしょうか？どれくらいの人がそこに行きたいと思っているでしょうか？しかし、みんなが行ってくることはできません。心配しないでください。マリ・エル共和国の村にレジャー施設「マリのスイス」（マリ語：Марий Швейцарий）があります。山がちな風景はスイスのようです。そこでは、美しい自然を見たり、休んだりできます。色々な国や街からお客さんが来るのには理由があります。1年で2千人以上が訪れました。この場所は、皆を受け入れるのに十分な広さです。

 

Канаш уло йӧн

Шке кӱнчымӧ яндар вӱдан пӱя кажныжым шкеж дек ӱжеш. Тушто карпым, каракам шер теммешке кучаш лиеш. Колым жаритлаш але шӱрым шолташ йӧн уло. Кеҥежым квадроцикл дене кудалыштыт. Ӱдыр-рвезе-влаклан модаш йоча площадкым келыштарыме, волейболлат модаш йӧн уло. Телым гын курык «малаш» ок ярсе. Йоча-влакын юарлыме йӱкышт торашке шергылтеш. Тура курык гыч ватрушко дене мунчалтат. Кӧ гын тиде «тыртышым» пеленже конда, кӧ гын базе гыч налеш. Ача-ава-влакат вараш огыт код. Нойымеке, шокшо мончаште каналташ лиеш. Тушко памаш вӱд йоген пура.

 

楽しみ方は色々

きれいな水を持つ天然の池は、皆を惹きつけます。そこでは、コイやフナを満足するまで獲ることができます。魚を焼いたり、スープを作ったりすることもできます。夏には四輪駆動車で走り回れます。子供たち向けに、遊ぶための広場があり、バレーボールもできます。冬も、山は皆さんを寝かせてはくれません。子供たちの遊び声が、遠くまで響きます。急な丘から丸いそりで滑ります。そりは持ち込むことも、借りることもできます。両親も（子供たちに）遅れてはいません。疲れたら、暖かいサウナで休むことができます。そこには、泉の湧き水が流れ込んでいます。

 

 

Памаш эмла

«Марий Швейцарийыште» латныл памаш уло. Нуно тыглай огытыл. Специалист-влак, тергымекышт, вӱдыштӧ шийым муыныт. Тыгай вӱд сусырым эмла, пагар ден шолын пашаштым саемда, когаргыме деч полша.

 

癒しの泉

「マリのスイス」には14の泉があります。それらは普通の泉ではありません。専門家らが調査を行ったところ、水に銀が含まれていることが分かりました。このような水は、傷をいやし、胃腸の働きを良くし、火傷から助けます。

 

 

– Ковамын каласкалымыж почеш ик памашын вӱдшӧ шинчалан моткоч пайдале. 1960-шо ийлаште трахом чер шарлыме годым тиде вӱд дене шинчам ятырын эмленыт. Кызытат тудын вийжылан ӱшанена, – ойла каныме базын озаже И.Р.Антонов.

 

「私の祖母の話によると、ある泉の水は、目にとても良いそうです。1960年代にトラコーマが流行していたとき、人々はこの水で目を治療していたそうです。今も、私達はその力を信じています」と、レジャー施設のオーナーであるアントノフさんは話す。

 

 

Тыште памаш веле огыл, тавыжат ӧрыктара. Чылаже вич таве уло. Нунын историйышт оҥай. Ожно тувыр-шовырым ямдылыме годым йытыным кучылтыныт. Йытыным икмыняр жап вӱдыштӧ кийыктеныт.

 

ここには泉だけでなく、井戸もあります。全部で5つの井戸があります。それらの歴史は興味深いです。かつて、（伝統的な）女性用の上着を作るとき、亜麻が使われていました。亜麻はある程度の間、水の中で寝かされていました。

 

 

– Южо вере йытыным эҥерыште, пӱяште кученыт гын, кугезе ковам-влак тавыште нӧртен кийыктеныт. Кажне сурт озаватын тавыже лийын. Вес еҥ тудым тӱкен огыл. Вӱд келге лийын огыл, садлан пурам веле чоҥеныт. Кидым шуен, вӱдым кошталын кертыныт. Нине таве-влак тукым гыч тукымыш кусненыт, аралалт кодыныт. Чаманен каласаш логалеш, кажне кован лӱмжым огына пале. Таве-влакым лӱмдаш гын, оҥай лиеш ыле, – ойла Иван Робертович.

 

「いくつかの場所で、亜麻を川や池で採り、昔のおばあさんたちは井戸で濡らして寝かせていました。すべての主婦には井戸があり、他の人はそれに触りませんでした。井戸は深くなく、なので井筒だけ建てられました。手を伸ばして、水をすくうことができました。これらの井戸は代々受け継がれ、守られてきました。残念ながら、おばあさんたちの名前を私たちは知りません。井戸の名前を付けられれば、面白かったのですが」とイヴァンさんは話す。

 

 

Ӱстембалне – марий кочкыш

«Марий Швейцарийыш» толшо уна-влаклан экскурсийым эртарыме годым тидын нерген кумданрак каласкалат. Каныме базе деч кум меҥге наре тораште «Каменная гора» пӱртӱс заказник верланен. Тушко йолгорно наҥгая. Ожно тушто тыгаяк лӱман ял лийын. Кызыт икмыняр тошто пӧртым веле ужаш лиеш.

 

テーブルの上にはマリ料理

「マリのスイス」に来たお客さんたちが案内される際、これについてより詳しい話がされます。このレジャー施設から3キロほど離れたところに、自然保護区「岩の山」があり、そこに道がつながっています。かつて、そこに同じ名前の村がありましたが、今はいくつかの古い家が残っているのみです。

 

 

Тиде базыште уна-влак пайремымат эртарат. Теве ӱмаште араб-шамыч эсогыл сӱаным ыштеныт. Уна-влакым марий кочкыш: подкогыльо, шӱрашан мелна, перемеч да моло – дене сийлат. Ик пайремат тулотеш шолтымо шудан чай деч посна огеш эрте.

 

この施設で、お客さんたちはお祝い事も行います。去年、アラブ人たちがなんと結婚式を行いました。お客さんたちにマリ料理（マリ風ピロシキやパンケーキなど）が振舞われます。どのお祭りも、温かいお茶なしでは行われません。

 

 

Марий Швейцарийын моторлыкшым шке шинча дене ужаш кӱлеш. Йоча-влак, теле каникул годым ача-авада дене пырля миенак толза!

 

「マリのスイス」の美しさは、自分の目で見なければなりません。みなさん、冬休みに両親と一緒に行って来ましょう！

 

 

訳者：boltwatts

出典：https://xn--d1acjeid6k.xn--p1ai/marij-shvejcarij-unala-vucha/